Ang Seaman Horror Story

May 21, 2023

EK Sender: Marvin

Maayong adlaw sa mga nagsunod sa Estoryang kahadlokan Bisaya Horror Stories

Itago lang ko sa pangan nga Marvin 33 anyos ug usa diay ko ka seaman. kining kahadlokan nga akong na experience nahitabo diay kini sa akoang gitrabahoan diay nako na barko kaniadto.

International diay to ang byahe sa barko nga akong na trabaho.an. mokabat ug adlaw o buwan ang among byahe sa dagat

ug maabot ra pod mi sa lugar nga among adtuan.

Ang among pandalhon sa barko kay sagol sagol lang. permiro palang nakong sulod nako ato sa barko nga nasakyan ato. naka feel gyud ko nga naay lain o di masabtan

Permiro palang

sa akong pagsampa, naay usahay nga maglisod ko ug tulog kay makadungog ko ug mga kalabog sa pikas kwarto.

Pila ka gabii gyud nga sunod sunod nako nga madunggan nga naay magkalabog sa pikas pero Gibalewala na to nako kay basin ga ka lingaw ang ubang crew o naa ba silay gikumpuni pod anang orasa

Mga pasado alas 2 to sa kadlawn nga kalit lang ko nakamata sa akong pagkatulog kay naa koy nadungog nga kusog na gyud nga kalabog.

kusog nga lamba sa sira. Gibuka nako akong mata ug naniid sa palibot. gipaminaw ug gi aninaw sa nako pero ni lamba nasad pagbalik ang sira. mao naka decide ko nga mobangon. mao to mibangon dayon sa akong higdaanan aron tan awon kung unsa to.

nigawas ko para susihon ang sa hallway dapit. Pagtan aw nako sa gawas sa may pultahan naa koy nakita nga figura sa usa ka Lalaki ug di ko masayop usa siya sa mga crew sa barko kay gasuot man siya parehas sa amoang uniporme.

Ako siya gitan aw ug klaro ug wa nako ma aninag pag ayo iyang dagway kay ana.a siya sa may tumoy nga bahin sa hallway nya nagtalikod. Tawagon unta nako apan kalit lng kini nga miliko paingon sa hagdanan ug dayon misaka padung sa sunod floor deck

Sa akong huna huna Kinsa kaha to? unya ingon aron orasa maglakaw lakaw sa hallway nga ting pahuway naman unta?

Basin na alimogawan ra ko ato mao Misaka nalang pod ko sa ibabaw ug

niadto sa Crew lounge area namo sa barko aron mo relax. Sa akong paglingkod lingkod na sa lounge ..Sa layo nga part tumoy nga bahin nasad sa barko naa nasad koy nakita nga crew nga naglakaw lakaw.

Kinsa naman sad ng taohana nga galakaw lakaw mag ingon aron orasa. Ako unta singgitan pero di rako madungog pod kay tungods kasaba sa makina sa barko nga gaandar. Mi aksyon kini ug tan aw sa side sa may barko nga murag padong mo ambak ni barog kos akong gilingkoran ug tantong kuhaon nako ang tsinelas para isuot. pag tan aw nakog balik atong lalaki nawala ramag kalit.

Naka feel nakog kulba ug kahadlok nya kay tugnaw naman ato ninaug nalang ko ug dayon balik sa kwarto nako aron matog ko og balik.

Pagka buntag niana nangutana ko sa akng kauban nga si ivan kung siya ba to ang galakaw lakaw ganihang mga alas 2 sa kadlawn sa hallway. ug katong lalaki na nakita nako sa may tumoy sa barko?

Apan mi Ana siya nga dili man to siya kay naghagok na siya anang mga orasa.

Mao Gibalewala ko nalang to kay basin kauban ra to namo pero wala lang gyud ko nakaklaro sa nawong kay naa man sa layo pod ato.

Dihang Pagka sunod gabii niana nakadungog napod ko sa paka sa sira sa pikas kwarto mao nakamata napod ko. Parehas nga oras atong niagi nga nakamata pod ko.

Gigawas gyud dayon nako aron susihon ug dihang pagka gawas nako sa hallway nakita napod nako ang lalaki na crew. Sakto naabtan pa nako siya nga duol pa ug akong gitawag.

Dihang gitawag ko na kini Milingi siya nako pero kalit lang ug kurap kurap ang mga suga sa hallway. nisiga pawong ug hinungdan nga akong panan.aw wala na makaklaro sa lalaki. dili gyud familiar akong panan aw sa maong lalaki.

aksyon nakog tawag balik sa iya ug kalit nga lingi akong nakita hinungdan sa akong pagka kurat ug pagka hadlok.

Luspad siyag nawong, lagum ug wa.it ug itum ang iyang dapit sa mata. nanglimbawot pag ayo akong balahibo dihang nakita na gyud nako siya.

CONTINUATION ... SEE LINKS BELOW

For Full Story Just Visit or click this link below

Youtube:

https://youtu.be/RTaI9s3_0ZY

Facebook:

https://fb.watch/kGoJj1y9Ge/?mibextid=Nif5oz

OFFICIAL SOCIAL MEDIA LINKS OF ESTORYANG KAHADLOKAN:

Email us your Horror Story Experience

Estoryangkahadlokan@gmail.com

Facebook: